“Napoli” yarim himoyachisi Allan Markes Loureyro PSJning qiziqish doirasiga tushib qoldi.
Corriere delo Sport nashrining xabar berishicha, 27 yoshli futbolchining o‘yinlari parijliklar bosh murabbiyi Tomas Tuxelga yoqib qolgan.
Xabaringiz bor, PSJ va “Napoli” Yevropa chempionlar ligasi doirasida bitta guruhda to‘qnash kelishdi.
Allanning neapoliklar bilan tuzgan shartnomasi 2023 yilgacha amal qiladi. Uning tovon puli esa 50 mln yevroni tashkil qiladi.
Ma’lumot uchun, Allan joriy mavsum “Napoli” safida 22 ta o‘yinda maydonga tushdi.
