«Barselona» sardori Lionel Messi 2018 yilda Yevropaning beshta top chempionatlarida o‘ynayotgan futbolchilar orasida bir nechta ko‘rsatkichlar bo‘yicha yetakchi bo‘ldi.

31 yoshli hujumchi yakunlanayotgan kalendar yilda hammadan ko‘p:

— gol urdi (51ta);
— golli uzatmani amalga oshirdi (28ta);
— muvaffaqiyatli aldab o‘tishni amalga oshirdi;
— jarima zarbasidan gol urdi;
— jarima maydonchasi tashqarisidan gol urdi;
— golli vaziyatlar yaratdi.

Shu bilan birgalikda, argentinalik futbolchi 2018 yilda 3 hafta mobaynida turli sabablarga ko‘ra o‘yinlarni o‘tkazib yuborishga majbur bo‘ldi.

"Yuventus" hujumchisi Krishtianu Ronaldu 2018 yilda o‘z hisobiga 46ta gol yozdi. Ushbu yil oxiriga qadar "Yuve" Italiya A seriyasi doirasida yana 2ta o‘yin o‘tkazishini ta’kidlash lozim.

Faktlar:
— Messi ushbu mavsumda «Barselona» safida barcha musobaqalar doirasida 20ta o‘yinda maydonga tushib, 21ta gol urdi va 12ta golga uzatma berdi.
— Avvalroq hujumchi 2018 yilning eng yaxshi to‘purari sifatida «Oltin butsa» sovrinini faoliyati davomida beshinchi marta qabul qilib oldi.