«Барселона» сардори Лионель Месси 2018 йилда Европанинг бешта топ чемпионатларида ўйнаётган футболчилар орасида бир нечта кўрсаткичлар бўйича етакчи бўлди.
31 ёшли ҳужумчи якунланаётган календарь йилда ҳаммадан кўп:
— гол урди (51та);
— голли узатмани амалга оширди (28та);
— муваффақиятли алдаб ўтишни амалга оширди;
— жарима зарбасидан гол урди;
— жарима майдончаси ташқарисидан гол урди;
— голли вазиятлар яратди.
Шу билан биргаликда, аргентиналик футболчи 2018 йилда 3 ҳафта мобайнида турли сабабларга кўра ўйинларни ўтказиб юборишга мажбур бўлди.
"Ювентус" ҳужумчиси Криштиану Роналду 2018 йилда ўз ҳисобига 46та гол ёзди. Ушбу йил охирига қадар "Юве" Италия А серияси доирасида яна 2та ўйин ўтказишини таъкидлаш лозим.
Фактлар:
— Месси ушбу мавсумда «Барселона» сафида барча мусобақалар доирасида 20та ўйинда майдонга тушиб, 21та гол урди ва 12та голга узатма берди.
— Аввалроқ ҳужумчи 2018 йилнинг энг яхши тўпурари сифатида «Олтин бутса» совринини фаолияти давомида бешинчи марта қабул қилиб олди.