“Dinamo” futbol klubi viloyatimizning iqtidorli havaskor yosh futbolchilarni ko‘rikka taklif etadi.

“Dinamo” futbol klubi 2019 yilda ham mahalliy futbolchilarga katta e’tibor qaratishni maqsad qilgan. 18 dekabrdan Samarqandda o‘quv-mashg‘ulot yig‘inini o‘tkazayotgan jamoa kuniga ikki mahaldan tayyorgarlik ishlarini olib bormoqda.

26-27 dekabr kunlari “Dinamo” klubi 2001-2002 yilda tug‘ilgan viloyatdagi barcha yosh, havaskor futbolchilarni jamoa ko‘rigiga taklif etadi. Samarqand shahridagi “Lokomotiv” stadionida o‘tkaziladigan ko‘rik soat 12:00da boshlanadi. 13:00da futbol akademiyasi va mahalliy yoshlardan iborat Samarqand terma jamoasi o‘rtasida nazorat o‘yinlari o‘tkaziladi. Ikki kun davomidagi ushbu bahslarni “Dinamo” klubi murabbiylar shtabi, xususan Davron Fayziyev, Ilhom Sharipovlar kuzatib, iqtidorli yoshlarni “Dinamo” futbol jamoasiga taklif etishni maqsad qilishgan.

2001-2002 yilda tug‘ilgan barcha havaskor yosh futbolchilarni “Dinamo” jamoasi ko‘rigida ishtirok etishga taklif etib qolamiz!