“Динамо” футбол клуби вилоятимизнинг иқтидорли ҳаваскор ёш футболчиларни кўрикка таклиф этади.

“Динамо” футбол клуби 2019 йилда ҳам маҳаллий футболчиларга катта эътибор қаратишни мақсад қилган. 18 декабрдан Самарқандда ўқув-машғулот йиғинини ўтказаётган жамоа кунига икки маҳалдан тайёргарлик ишларини олиб бормоқда.

26-27 декабрь кунлари “Динамо” клуби 2001-2002 йилда туғилган вилоятдаги барча ёш, ҳаваскор футболчиларни жамоа кўригига таклиф этади. Самарқанд шаҳридаги “Локомотив” стадионида ўтказиладиган кўрик соат 12:00да бошланади. 13:00да футбол академияси ва маҳаллий ёшлардан иборат Самарқанд терма жамоаси ўртасида назорат ўйинлари ўтказилади. Икки кун давомидаги ушбу баҳсларни “Динамо” клуби мураббийлар штаби, хусусан Даврон Файзиев, Илҳом Шариповлар кузатиб, иқтидорли ёшларни “Динамо” футбол жамоасига таклиф этишни мақсад қилишган.

2001-2002 йилда туғилган барча ҳаваскор ёш футболчиларни “Динамо” жамоаси кўригида иштирок этишга таклиф этиб қоламиз!