Jizzax viloyatida O‘zbekiston futbol assosiasiyasining 2018 yilgi taqvim rejasiga asosan  U-16 yoshli o‘smirlar o‘rtasida mini-futbol (futzal) bo‘yicha O‘zbekiston Kubogi  musobaqasi o‘z nihoyasiga yetdi.  Finalda Jizzax jamoasi Sirdaryo jamoasi ustidan 5:2 hisobida g‘alaba qozonib, bosh sovringa ega chiqdi. 3-o‘rinni esa Samarqand va Buxoro viloyati jamoalari egallashdi.   Musobaqa g‘oliblari O‘zbekiston futbol assosiasiyasining Kubok, medal, diplomlari hamda Jizzax viloyat futbol assosiasiyasi tomonidan esdalik sovg‘alari bilan taqdirlandilar. Ushbu musobaqani odilona boshqarib borgan hakamlar brigadasiga ham Jizzax viloyat futbol assosiasiyasi tomonidan diplom va esdalik sovg‘alari taqdim qilindi.    Musobaqa yakunida so‘zga chiqqan Jizzax viloyati hokimi, Jizzax viloyat futbol assosiasiyasi prezidenti Ergash Alibekovich Soliyev barchani kirib kelayotgan Yangi yil bilan tabrikladi. Musobaqada ishtirok etgan barcha jamoalarga o‘z minnatdorchiligini bildirib, kelajakda ushbu jamoalar futbolchilariga ulkan zafarlar va omad tiladilar.