Italiya chempionatining 18-turidan o‘rin olgan "Roma" – "Sassuolo" uchrashuvi o‘z nihoyasiga yetdi. "Stadio Olimpiko"da kechgan bahsda mezbonlar ishonchli g‘alabani qo‘lga kiritishdi.
Uchrashuvning 8-daqiqasida Diyego Perotti rimliklarni oldinga olib chiqqan bo‘lsa, 23-daqiqada Patrik Shik jamoasining ikkinchi golini urdi. Ikkinchi bo‘lim debyutida Nikolo Dzanyolo hisobni yirik ko‘rinishga olib keldi.
Mehmonlar so‘nggi daqiqada El-Babakarning golidan so‘ng hisobni qisqartirishga muvaffaq bo‘lishdi.
Shu tariqa, "Roma" 27 ochko to‘plagan holda turnir jadvalining 7-pog‘onasiga ko‘tarildi. "Sassuolo" (25) esa 11-o‘rinda bormoqda.
A Seriya, 18-tur
Roma – Sassuolo 3:1 (2:0, 1:1)
Gollar: 1:0 – 8, penalti Perotti, 2:0 – 23 Shik, 3:0 – 59 Dzanyolo, 3:1 – 90 El-Babakar.
Roma – Olsen, Florensi, Manolas, Fasio, Kolarov, Kristante, Nzonzi, Under, Dzanyolo (Pastore, 64), Perotti (Klyuyvert, 68), Shik (Djeko, 76).
Sassuolo – Konsili, Marlon, Lemos (Lirola, 46), Ferrari, Dell`Orko, Burabiya, Manyanelli, Brinyola (Lokatelli, 63), Djurichich (Di Franchesko, 58), Berardi, El-Babakar.
Ogohlantirishlar: Ferrari (8), Florensi (27).
