Италия чемпионатининг 18-туридан ўрин олган  "Рома" – "Сассуоло" учрашуви ўз ниҳоясига етди. "Стадио Олимпико"да кечган баҳсда мезбонлар ишончли ғалабани қўлга киритишди.

Учрашувнинг 8-дақиқасида Диего Перотти римликларни олдинга олиб чиққан бўлса, 23-дақиқада Патрик Шик жамоасининг иккинчи голини урди. Иккинчи бўлим дебютида Николо Дзаньоло ҳисобни йирик кўринишга олиб келди.

Меҳмонлар сўнгги дақиқада Эл-Бабакарнинг голидан сўнг ҳисобни қисқартиришга муваффақ бўлишди.

Шу тариқа, "Рома" 27 очко тўплаган ҳолда турнир жадвалининг 7-поғонасига кўтарилди. "Сассуоло" (25) эса 11-ўринда бормоқда.

А Серия, 18-тур

Рома – Сассуоло 3:1 (2:0, 1:1)

Голлар: 1:0 – 8, пенальти Перотти, 2:0 – 23 Шик, 3:0 – 59 Дзаньоло, 3:1 – 90 Эл-Бабакар.

Рома – Ольсен, Флоренци, Манолас, Фасио, Коларов, Кристанте, Нзонзи, Ундер, Дзаньоло (Пасторе, 64), Перотти (Клюйверт, 68), Шик (Джеко, 76).

Сассуоло – Консильи, Марлон, Лемос (Лирола, 46), Феррари, Делль`Орко, Бурабия, Маньянелли, Бриньола (Локателли, 63), Джуричич (Ди Франческо, 58), Берарди, Эль-Бабакар.

Огоҳлантиришлар: Феррари (8), Флоренци (27).