Birlashgan Arab Amirliklarining Dubay shahrida badiiy gimnastika bo‘yicha «2-Emirates Asian cup» xalqaro turniri o‘tkazildi va unda jahonning 15 davlatidan 400 dan ziyod yosh gimnastigachi qizlar ishtirok etishdi. Musobaqalarda O‘zbekiston sharafini himoya qilgan samarqandlik yosh gimnastikachilar ajoyib natija ko‘rsatishdi, medallar va kuboklarga ega chiqib, shohsupaga ko‘tarilishdi.

Samarqandlik yosh va iqtidorli murabbiy Maftuna Shamsiyeva murabbiyligi ostidagi qizaloqlar hisobiga 4 ta kubok, 5 ta oltin, 5 ta kumush va 3 ta bronza medal yozildi:

Regina O‘zbekova (sport ustaligiga nomzod, 2005 ), Level A: halqa — 3-o‘rin, ko‘pkurash — 3-o‘rin;

Sogdiana Yeshchilyova (2006), Level A: halqa — 3-o‘rin, bulava — 2-o‘rin, ko‘pkurash — 2-o‘rin;

Vilana Savadyan (2007), Level A: halqa — 1-o‘rin, koptok — 2-o‘rin, bulava — 1-o‘rin, ko‘pkurash — 1-o‘rin;

Amaliya Mamedova (2008), Level A: halqa —1-o‘rin, koptok — 2-o‘rin, bulava — 2-o‘rin, ko‘pkurash — 2-o‘rin;

Yulduz Abdug‘aniyeva (2008), Level B: koptok — 1-o‘rin.

Shuningdek, murabbiy Shohsanam Ahmedova qo‘l ostidagi yosh gimnastikachi, 2010 yilda tug‘ilgan Samira Komiljonova ham predmetsiz chiqishda 1-o‘rinni qo‘lga kiritdi.

Badiiy gimnastika bugungi kunda shunchaki sport turi bo‘libgina qolmay, san’at va sportning bir-birini uyg‘unlashtiruvchi musobaqasiga aylanib ulgurgan.