Garchi jamoaning tashkil etilganiga ko‘p vaqt o‘tmagan bo‘lsa-da, so‘nggi yillar davomida 3 marta O‘zbekiston chempionligi, 3 marta O‘zbekiston kubogi va 1 marta O‘zbekiston Superkubogi sovrinlari qo‘lga kiritildi.

Bir necha mavsumlardan buyon “Loko” sharafini kuchli futbolchilar himoya qilib kelishmoqda. Jamoa 3 yanvardan yangi 2019 yil uchun tayyorgarlikni boshlaydi va unda o‘tgan mavsumda jamoani tashkil qilgan yigitlarning 90 foizi ishtirok etadi. Futbolchilar bilan shartnomalar uzaytirildi va ular 2019 yilgi mavsumda “Lokomotiv” sharafini himoya qiladi.

Shuningdek, “temiryo‘lchilar” qishda uch nafar yangi futbolchi bilan tarkibni kuchaytirib oldi. Yovan Jokich, Filipp Rayevas va Azizbek Haydarov keyingi mavsum O‘zbekiston chempionati va xalqaro maydonda jamoamiz sharafini himoya qilishadi. Shuningdek, “Neftchi”ning yosh va iqtidorlik futbolchisi Avazbek O‘lmasaliyev bilan 5 yillik shartnomaga imzolandi. Keyingi mavsumda “Loko” yanada kuchliroq bo‘lib qaytadi. Hammamiz bir tan-u bir jon bo‘lib, amaldagi chempionlikni va xalqaro maydondagi o‘yinlarda yurtimiz sharafini munosib himoya qilishga intilamiz.

Ikrom Aliboyevning Janubiy Koreya hamda Sanjar Shoahmedovning Malayziyadagi faoliyatiga omad tilaymiz.

O‘tgan yillar davomida “Lokomotiv”ning homiylari futbolchilarni nafaqat moddiy, balki barcha tomonlama yordam berishdi va bu uzoq yillar davom etadi. 2019 yilgi mavsumda ham jamoaning maqsadlari o‘zgarmaydi. Maqsad – O‘zbekiston chempionligi, O‘zbekistoni kubogi va OCHLda munosib ishtirok!