Xabaringiz bor, bir necha kundan so‘ng Birlashgan Arab Amirliklarida futbol bo‘yicha Osiyo Kubogi start oladi. Ushbu musobaqada O‘zbekiston terma milliy terma jamoasi ham ishtirok etadi.
O‘zbekiston terma jamoasi Osiyo Kubogining guruh bosqichida Yaponiya, Ummon va Turkmaniston terma jamoalariga qarshi kurash olib boradilar. Bugun ana shu musobaqada ishtirok etadigan terma jamoa a’zolari BAAga jo‘nab ketdilar. Futbolchilar Islom Karimov nomidagi "Toshkent" xalqaro aeroportida kuzatildi.
Eslatib o‘tamiz, O‘zbekiston terma jamoasi guruhdagi ilk uchrashuvni 9 yanvar kuni Ummon terma jamoasiga qarshi o‘tkazadi. Ikkinchi o‘yin 13 yanvar kuni Turkmanistonga qarshi bo‘lib o‘tsa, yigitlarimiz guruhdagi so‘nggi bahsda 17 yanvar kuni Yaponiya terma jamoasiga qarshi maydonga tushadilar.
