Keyingi Yozgi Osiyo o‘yinlariga O‘zbekiston mezbonlik qilishi uchun alohida dastur ishlab chiqiladi. Bu haqda 28 dekabr kuni O‘zbekiston prezidenti Shavkat Mirziyoyev parlamentga navbatdagi murojaatnomasida ma’lum qildi.
“Yozgi Osiyo o‘yinlaridan biriga mezbonlik qilish bo‘yicha tegishli ishlarni amalga oshirishimiz kerak. Shuning uchun, keyingi Yozgi Osiyo o‘yinlariga O‘zbekiston mezbonlik qilishiga alohida dastur ishlab chiqiladi. Bu albatta, katta marra. Lekin biz bu marraga qodir ekanligimizni ko‘rsatsak, to‘g‘ri bo‘lar edi”, deya gapirib o‘tgan Prezident.
