Bugun, 3-yanvardan 4-yanvarga o‘tar kechasi APL da fantastik to‘qnashuv bo‘lib o‘tadi. Sezganingizdek, gap «Manchester Siti» va «Liverpul» jamoalari haqida bormoqda. Bu uchrashuv oldidan futbol mutaxassislari ikki xil fikr bildirishmoqda. Ba’zilar «Liverpul» jamoasini mag‘lubiyatsiz seriyasini davom ettirishini taxmin qilsa, qolganlar Gvardiola jamoasini qo‘li baland kelishini taxmin qilishmoqda.

O‘yin oldidan jamoalarning imkoniyatlarini deyarli 50% ga 50% deya baholasak, adolatdan bo‘ladi. O‘yin oldidan Pep Gvardiola : “Bizni har qanday jamoa mag‘lub etishi mumkin. Afsuski,«Manchester Siti» mana shunday vaziyatda turibdi, lekin biz istalgan raqibni mag‘lub eta olamiz. O‘tganmavsumda «Liverpul»ni yirik 5:0 hisobida mag‘lub eta olgan edik. Bizga ishonayotganlar kamchilikni tashkil etishi mumkin, ammo biz g‘alaba qozonishga harakat qilamiz.”,- deya intervyu berganini hisobga olsak, bugungi uchrashuv o‘ta qizg‘in o‘tishiga shubhamiz yo‘q.

Uchrashuv oldidan ekspertlar imkoniyatlarni 51% ga 49% deya baholashmoqda. Bugungi uchrashuv juda ko‘p savollarga javob bersa, ajab emas. «Liverpul»ning ko‘plab muxlislari APL g‘olibligida bu mavsum «Liverpul» yaqqol favorit deya hisoblashmoqda va bunga ularda asos yetarli. Mayli, qolganini vaqt ko‘rsatadi.Sababi maydon tekis, to‘p esa yumaloq.