Бугун, 3-январдан 4-январга ўтар кечаси АПЛ да фантастик тўқнашув бўлиб ўтади. Сезганингиздек, гап «Манчестер Сити» ва «Ливерпул» жамоалари ҳақида бормоқда. Бу учрашув олдидан футбол мутахассислари икки хил фикр билдиришмоқда. Баъзилар «Ливерпул» жамоасини мағлубиятсиз сериясини давом эттиришини тахмин қилса, қолганлар Гвардиола жамоасини қўли баланд келишини тахмин қилишмоқда.
Ўйин олдидан жамоаларнинг имкониятларини деярли 50% га 50% дея баҳоласак, адолатдан бўлади. Ўйин олдидан Пеп Гвардиола : “Бизни ҳар қандай жамоа мағлуб этиши мумкин. Афсуски,«Манчестер Сити» мана шундай вазиятда турибди, лекин биз исталган рақибни мағлуб эта оламиз. Ўтганмавсумда «Ливерпул»ни йирик 5:0 ҳисобида мағлуб эта олган эдик. Бизга ишонаётганлар камчиликни ташкил этиши мумкин, аммо биз ғалаба қозонишга ҳаракат қиламиз.”,- дея интервью берганини ҳисобга олсак, бугунги учрашув ўта қизғин ўтишига шубҳамиз йўқ.
Учрашув олдидан экспертлар имкониятларни 51% га 49% дея баҳолашмоқда. Бугунги учрашув жуда кўп саволларга жавоб берса, ажаб эмас. «Ливерпул»нинг кўплаб мухлислари АПЛ ғолиблигида бу мавсум «Ливерпул» яққол фаворит дея ҳисоблашмоқда ва бунга уларда асос етарли. Майли, қолганини вақт кўрсатади.Сабаби майдон текис, тўп эса юмалоқ.