«Liverpul» jamoasi mavsumdagi ilk mag‘lubiyatini qabul qilib oldi. Qabul qilganda ham, eng yaqin ta’qibchisi bo‘lmish «Manchester Siti»ga boy berilgan o‘yin jamoaga ruhan ta’sir o‘tkazmay qolmadi. Endilikda APL da mag‘lubiyatga uchramagan jamoa yo‘q.

Uchrashuvga qisqacha to‘xtalasak: Ikkala jamoa ham bu mavsumdagi eng yomon o‘yinlarini ko‘rsatishdi desak, adashmagan bo‘lamiz. O‘sha kuni, ayniqsa, «Liverpul» hech ham o‘ziga o‘xshamadi. Dioganal paslarni deyarli 60%i brak yoki raqib tomonidan egallab olinishi bilan besamar ketdi. «Shaharliklar» esa pressingni hisobga olmasa, boshqa jabhalarda chiroyli futbol ko‘rsata olishmadi.

"Liverpul"ning bu mag‘lubiyati chempionlik poygasida hali hammada imkoniyat bor ekanligini ko‘rsatib qo‘ydi. «Tottenhem» va «Arsenal» jamoasi ham bu mag‘lubiyatdan so‘ng poygaga qo‘shilishlari aniq! Bu mavsum APL g‘olibi har doimgiday so‘nggi turlargacha noaniqligicha qolsa ajab emas. Sababi, jamoalarning ochkolari tobora tenglashib bormoqda. Bundan esa faqat muxlislar yutishadi. APL o‘z intrigasini yo‘qotmadi.Bejizga dunyoning eng tomoshabop va shiddatli ligasi emasligini yana bir bor namoyish qildi.