«Ливерпул» жамоаси мавсумдаги илк мағлубиятини қабул қилиб олди. Қабул қилганда ҳам, энг яқин таъқибчиси бўлмиш «Манчестер Сити»га бой берилган ўйин жамоага руҳан таъсир ўтказмай қолмади. Эндиликда АПЛ да мағлубиятга учрамаган жамоа йўқ.

Учрашувга қисқача тўхталасак: Иккала жамоа ҳам бу мавсумдаги энг ёмон ўйинларини кўрсатишди десак, адашмаган бўламиз. Ўша куни, айниқса, «Ливерпул» ҳеч ҳам ўзига ўхшамади. Диоганал пасларни деярли 60%и брак ёки рақиб томонидан эгаллаб олиниши билан бесамар кетди. «Шаҳарликлар» эса прессингни ҳисобга олмаса, бошқа жабҳаларда чиройли футбол кўрсата олишмади.

<<Ливерпул>>нинг бумағлубияти чемпионлик пойгасида ҳали ҳаммада имконият бор эканлигини кўрсатиб қўйди. «Тоттенҳем» ва «Арсенал» жамоаси ҳам бу мағлубиятдан сўнг пойгага қўшилишлари аниқ! Бу мавсум АПЛ ғолиби ҳар доимгидай сўнгги турларгача ноаниқлигича қолса ажаб эмас. Сабаби, жамоаларнинг очколари тобора тенглашиб бормоқда. Бундан эса фақат мухлислар ютишади. АПЛ ўз интригасини йўқотмади.Бежизга дунёнинг энг томошабоп ва шиддатли лигаси эмаслигини яна бир бор намойиш қилди.