Aleksandr Xomyakov boshchiligidagi jamoa 10 yanvar kuni Muborakda 2019 yilgi mavsum tayyorgarligi uchun dastlabki yig‘inni boshlaydi.
Tarkibdagi o‘zgarishlarga to‘xtaladigan bo‘lsak, klub bilan shartnomasi nihoyasiga yetgan bir qator futbolchilar boshqa jamoalar ko‘rigiga yo‘l olishdi. Abdulloh Olimov, Mizrakamol Kamolov, Sardor Rahmonov, Bobur Qosimov, Jamoliddin Ubaydullayev, Sherzod Abduraimov, Shohjaxon Qilichevlar yangi mavsumda jamoamiz safida harakat qilishmaydi.
«Mash’al» Professional futbol klubi ushbu futbolchilar bilan do‘stona ravishda xayrlashib, ularning klub ravnaqi yo‘lida qilgan mehnatlariga minnatdorchilik bildirib, kelgusi faoliyatiga omad tilab qoladi.
