"Lokomotiv"ning yangi futbolchisi Avazbek O‘lmasaliyev "temiryo‘lchilar" safiga o‘tgani borasidagi fikrlari bilan o‘rtoqlashdi.
- "Lokomotiv" sharafini himoya qilishdan xursandman. Bu yerda o‘zimni ko‘rsatib, Osiyo chempionlar ligasi, O‘zbekiston chempionati va kubogi musobaqalarida jamoaning g‘alabalariga o‘zimning munosib hissamni qo‘shishni va shu orqali murabbiylarning ishonchini qozonishni istayman.
"Lokomotiv" - O‘zbekistonning amaldagi chempioni. Jamoa ajoyib futbolchilardan tashkil topgan. Bu yerda o‘yin ko‘rsatib, o‘zimga munosib tajriba orttiraman. Yangi jamoadoshlarimdan ko‘p narsalarni o‘rganmoqchiman.
