Ispaniya chempionatining 18-turi doirasida "Barselona" safarda "Xetafe" klubi mehmoni bo‘ldi. Ushbu turda kataloniyaliklarning ta’qibchilari — "Atletiko", "Sevilya" va "Real Madrid" ochko yo‘qotishgandi. Kataloniyaliklar esa g‘alabani qo‘lga kiritib, raqiblardan ilgarilab ketish imkoniyatidan foydalanib qolishdi.

"Xetafe" nomdor raqibni ancha qiynadi. Uchrashuvning 9-daqiqasidayoq mezbonlar hisobni ochishdi. Ammo hujumda fol ishlatilmaganida gol inobatga olingan bo‘lardi. Bahsning 20-daqiqasida Messi himoyachilarning biroz e’tiborsizligidan unumli foydalanib, hisobni ochdi. Bo‘lim tugashiga 6 daqiqa qolganida Lionel jarima to‘pini o‘yinga kiritdi. Himoyachi bosh bilan qaytargan to‘pga Suares 18 metrlardan shunday zarba berdiki, darvozabon uni qaytara olmadi. Oradan 4 daqiqa o‘tib "Xetafe" hisobdagi farqni bittaga qisqartirdi.

Ikkinchi bo‘limda maydon egalari ancha faol harakat qilishdi. Ko‘p vaziyatlarda ularga omad kulib boqmadi. Aks holda ular "ko‘k-anorranglilar"ni ochkolardan mahrum qilib qo‘yishlari mumkin edi.

Shu tariqa, "Barsa" qiyin, ammo muhim g‘alabani qo‘lga kiritdi. Natijada jamoa "Atletiko"dan 5, "Real"dan esa 10 ochkolik farq bilan oldinga o‘tib ketdi.

Ispaniya La ligasi, 18-tur
Xetafe – Barselona 1:2 (1:2)
Gollar: 0:1 – 20 Messi, 0:2 – 39 Suares, 1:2 – 43 Mata.
Xetafe – Soriya, Kabrera, Dakonam, Antunesh, Fulkye (Molina, 57), Arambarri, Maksimovich, Portilyo (Ibanyes, 84), Suares, Anxel (Says, 74), Mata.
Barselona – ter Shtegen, Pike, Alba, Serdji Roberto, Langle, Artur (Alenya, 88), Rakitich, Vidal (Buskets, 70), Dembele (Koutinyo, 84), Messi, Suares.
Ogohlantirishlar: Artur (12), Alba (15), Fulkye (15), Suares (61), Vidal (65), Kabrera (69), Maksimovich (77).