Akmal Eshonxonov
Sharja shahridan maxsus
O‘zbekiston terma jamoasi darvozaboni Ignatiy Nesterov Ummonga qarshi o‘yindan keyin o‘z fikrlarini bildirib o‘tdi.
“O‘yin qiyin bo‘ldi. Lekin g‘alaba qozonishga muvaffaq bo‘ldik. G‘alabadan xursandman. Bu men uchun oxirgi Osiyo Kubogi. Shu sabab g‘alaba uchun maydonda borimni berishga harakat qilaman.
Menga ishonch bildirib, musobaqaga olib kelgan bosh murabbiydan minnatdorman. Ishonchni oqlashga harakat qilaman.
Keyingi uchrashuvlarda ham g‘alaba qozonib, muxlislarni xursand qilish uchun qo‘limizdan kelgan barcha ishni qilamiz”, - deydi 5-marta Osiyo Kubogida ishtirok etayotgan Ignatiy Nesterov.
Nesterovning ushbu natijasini Osiyodagi biror futbolchi hozircha takrorlay olgani yo‘q.
