Акмал Эшонхонов
Шаржа шаҳридан махсус
Ўзбекистон терма жамоаси дарвозабони Игнатий Нестеров Уммонга қарши ўйиндан кейин ўз фикрларини билдириб ўтди.
“Ўйин қийин бўлди. Лекин ғалаба қозонишга муваффақ бўлдик. Ғалабадан хурсандман. Бу мен учун охирги Осиё Кубоги. Шу сабаб ғалаба учун майдонда боримни беришга ҳаракат қиламан.
Менга ишонч билдириб, мусобақага олиб келган бош мураббийдан миннатдорман. Ишончни оқлашга ҳаракат қиламан.
Кейинги учрашувларда ҳам ғалаба қозониб, мухлисларни хурсанд қилиш учун қўлимиздан келган барча ишни қиламиз”, - дейди 5-марта Осиё Кубогида иштирок этаётган Игнатий Нестеров.
Нестеровнинг ушбу натижасини Осиёдаги бирор футболчи ҳозирча такрорлай олгани йўқ.
