Akmal Eshonxonov
Dubay shahridan maxsus
Avvalroq O‘zbekiston terma jamoasi Sharja shahridan Dubayga ko‘chib o‘tgani va bugun Turkmanistonga qarshi o‘yin uchun mashg‘ulotlarni davom ettirishi haqida xabar bergan edik.
Dubay shahridagi “Crowne plaza” mehmonxonasiga joylashgandan so‘ng futbolchilarga biroz hordiq berildi. Terma jamoaning mashg‘uloti mahalliy vaqt bilan soat 18:00da boshlandi.
Ummonga qarshi o‘yinda asosiy tarkibda maydonga tushgan futbolchilar bugun alohida mashg‘ulot olib borishdi. Ya’ni ular yengil mashqlar bilan chegaralanishgan. Shuningdek, kechagi o‘yinda zahiradan maydonga tushgan futbolchilar esa asosiy mashg‘ulotlarda qatnashdi.
Ma’lumot o‘rnida, 13 yanvar kuni O‘zbekiston - Turkmaniston uchrashuvi aynan terma jamoa bugun mashg‘ulot o‘tkazgan “Rashid Stadium”da bo‘lib o‘tadi.
