Xabaringiz bor, shu yilning 22-28 aprel kunlari Toshkent shahrida velosportning shosse yo‘nalishi bo‘yicha Osiyo chempionati o‘tkaziladi. Shu munosabat bilan shosse bo‘yicha terma jamoamiz a’zolari yurtimizda bo‘lib o‘tadigan qit’a birinchiligiga tayyorgarlikning navbatdagi bosqichini boshlashdi.
Bugun, 11 yanvar kuni murabbiy YU.Abrekov boshchiligidagi sportchilarimiz Farg‘ona viloyatida o‘quv-mashg‘ulot yig‘inlariga kirishdilar. 30 yanvarga qadar davom etadigan yig‘inda 19 nafar sportchi ishtirok etmoqda.
Eslatib o‘tamiz, Osiyo chempionatida qit’amizning 40 ga yaqin davlatidan 500 nafardan ziyod velosportchi ishtirok etishi kutilmoqda. Ushbu qit’a chempionati Tokio 2020 Olimpiadasiga lisenziya taqdim etuvchi musobaqa hisoblanadi.
