Jazoir terma jamoasidan ketgani ortidan, Riyod Mahrez Saudiya Arabistonining «Al-Ahli» klubini ham tark etdi. Bu haqda jamoa matbuot xizmati xabar berdi.
Tajribali futbolchi uch yarim yil davomida «Al-Ahli» sharafini himoya qilib, yuzdan ortiq o‘yin o‘tkazdi va ikki bor OFK Chempionlar ligasida g‘olib chiqdi.
Marez hozirda 35 yoshda, u bungacha «Gavr», «Lester» va «Manchester Siti» klublarida to‘p surgan. Aljirlik futbolchi «shaharliklar» safida 2018–2023 yillar davomida harakat qilgan edi.
Bundan atigi bir kun oldin Mahrez so‘nggi 12 yil davomida muntazam chaqirilib kelingan Jazoir terma jamoasidagi faoliyatini yakunlagan edi. Eslatib o‘tamiz, Jazoir terma jamoasi JCH-2026ning 1/16 final bosqichida Shveysariyaga quruq hisobda (0:2) imkoniyatni boy berib, Mundialni tark etgan edi.
