“Liverpul” himoyachisi Virgil van Deyk Angliya premyer-ligasida dekabr oyinining eng yaxshi futbolchisi deb topildi.

27 yoshli futbolchi 6 yil ichida ilk bor ushbu sovrin sohibiga aylangan himoyachi bo‘ldi.

2013 yilning mart oyida “Tottenxem” himoyachisi Yan Vertongen oy futbolchisi bo‘lgan edi.

Gollandiyalik futbolchi o‘tgan oy 7 ta o‘yinda ishtirok etib, 1 ta gol va 2 ta golga pas berdi.

Shuningdek ushbu sovringa da’vogarlar qatorida, Muhammad Saloh (“Liverpul”), Eden Azar (“Chelsi”), Xarri Keyn, Son Xyon Min (ikkisi ham – “Tottenxem”), Markus Reshford (“Manchester Yunayted”) va Felipe Anderson (“Vest Xem”) bor.