“Neftchi” – O‘zbekistonning eng tarixi boy klublaridan biri sanaladi. Jamoaga 1962 yilda asos solingan.
Mustaqil O‘zbekistonda milliy chempionat tashkil etilgan ilk yillardanoq Farg‘onaning “Neftchi” jamoasi yetakchi klublardan biri sifatida gavdalangan. Buni “Neftchi”ning dastlabki chempionatimizdayoq oltin medallarga ega chiqqani ham tasdiqlaydi.
1993 yilda ham “Neftchi” O‘zbekiston chempionligini qo‘lga kiritgan va Kubok yarim finalchisiga aylangan.
1994 yilda “oltin dubl” qayd etishga erishgan Farg‘ona jamoasi, MDH Kubogi finaligacha borib, Moskvaning “Spartak” jamoasiga imkoniyatni boy bergan.
1995 yilda qatorasiga to‘rtinchi marta O‘zbekiston chempioniga aylangan. Kubok yarim finalida mag‘lubiyatga uchragan.
Farg‘ona shahri jamoasi 1996 yilda mamlakat Kubogini qo‘lga kiritgan.
Qayd etish joizki, “Neftchi” 5 karra mamlakat chempioni sanaladi. Shuningdek, 9 marta O‘zbekiston chempionati finishiga ikkinchi bo‘lib yetib kelgan va bir marta bronza medallariga sazovor bo‘lgan. “Neftchi” so‘nggi marta 2001 yili chempionlikka erishgan. Qolaversa, jamoa 2 karra mamlakat kubogi egasi ham sanladi.
Biroq so‘nggi yillarga kelib, farg‘onaliklarni barqarorlik tark etdi. Natijada jamoa musobaqa jadvalining pastki qismidan o‘rin egallay boshladi. 2018 yilgi Superliga yakunlariga ko‘ra, “Neftchi” musobaqa jadvali oxirgi pog‘onasidan joy egalladi va quyi ligaga yo‘l oldi.
“Neftchi” klubining tirik afsonalaridan biri Yuriy Sarkisyan 1987-2013 yillarda bosh murabbiy sifatida jamoada faoliyat olib borgan. O‘zbekistonda hizmat ko‘rsatgan murabbiy, “Do‘stlik” va “Mehnat shuhrati” ordenlari sohibi Sarkisyan 26 yil davomida bitta jamoani boshqargan murabbiy sifatida mamlakat rekordchisi hisoblanadi.
Erishgan yutuqlari
5 karra O‘zbekiston chempioni (1992, 1993, 1994, 1995, 2001)
9 karra O‘zbekiston vise-chempioni (1996-2000, 2002-2004, 2006)
2 karra O‘zbekiston Kubogi sohibi (1994, 1996)
MDH Kubogi finalchisi (1994)
Jamoada to‘p surgan mashhur futbolchilar
Stepan Atoyan
Sergey Lebedev
Ravshan Bozorov
Asad Do‘rmonov
Rustam Do‘rmonov
Sergey Lebedev
Andrey Miklyayev
Aleksandr Tixonov
Andrey Fyodorov
Rahmatullo Fuzaylov
Akmal Xolmatov
Anvar Berdiyev
Jamoani boshqargan mashhur murabbiylar
Yuriy Sarkisyan
Sergey Lebedev
Murod Ismoilov
Tohir Kapadze
Andrey Fyodorov
Vadim Abramov
