Mana, biz intiqlik bilan kutgan Osiyo kubogining 2-turi ham o‘z yakuniga yetdi. Bu turnir o‘zining yangi formati va kutilmagan natijalari bilan yodda qolmoqda. Bugun qaysi termalar chempionlik uchun kurashishga qodir ekanligini tahlil va taxmin qilib ko‘ramiz

Yaponiya

«Kunchiqar yurt» vakillari huddi biz singari guruhdagi o‘yinlarda g‘alabalarni katta qiyinchilk bilan qo‘lga kiritganiga qaramasdan, baribir chemponlik uchun asosiy da’vogar bo‘lib qolaveradi. Mahaliy bosh murabbiy qo‘l ostida harakat qilayotgan futbolchilarning aksariyatini yoshlar tashkil etishini hisobga olsak, jamoada g‘alabaga chanqoqlik har qachongidan ko‘proq

Janubiy Koreya

Bir necha yillardan beri bu turnirda asosiy fovorit deya qayd etilsada, chempionliksiz uyiga qaytayotgan qit’amiz grand termasi bu safar ancha jiddiy tayyorgarlik bilan kelgan. 3-turdan boshlab Son Hyun Minning jamoaga qo‘shilishini hisobga olsak,Janubiy Koreyada imkoniyat yaxshigina oshishi aniq.

Iordaniya

Berkelmans boshchiligidagi Iordaniya termasi raqiblariga qarshi huddi pistirmadan otilib chiqqanday xavfli qarshi hujumlarga tayangan terma hozirda o‘z guruhida 1-o‘rinni deyarli naqd qilib ulgurdi. Bu jamoa agar o‘yindan-o‘yinga ochilib borishni uddalashsa, chempionlik uchun imkoniyat ularda ham mavjud.

Eron

Osiyodagi 1-raqamli terma jamoa hozirda «dahshatli» formada! Keyrushning o‘yin falsafasi bir necha yillardan beri Eron termasining o‘yin uslubini shakllantirib bormoqda. Hozirda forslar turnirning yaqqol fovoritlari deb ayta olamiz.

Xitoy

JCH g‘olibligini qo‘lga kiritgan italiyalik murabbiy qo‘l ostida harakat qilayotgan termaning imkoniyatlari juda yuqori ekanligi aniq. Boz ustiga, jismoniy tayyorgarlik ham hozirda Xitoy termasida ajoyib ko‘rinishda. Kuchli ichki chempionatda toblangan mahalliy futbolchilar Osiyo kubogida yo‘qolib qolishmasligi aniq. Lippi Xitoy termasi uchun alohida tayyorgarlik rejasini ishlab chiqqani va uni amalda ijobiy qo‘llayotganidan ko‘rinib turibdi-ki, Chin mamlakati vakillarida ham uzoqroqqa borish imkoni mavjud

O‘zbekiston

Ektor Kuper boshchiligidagi terma jamoamiz kechagi g‘alabadan so‘ng o‘z guruhida birinchi o‘ringa ko‘tarilib oldi. To‘gri, qo‘shnilarimiz bilan bo‘lgan uchrashuvdagi g‘alaba bizning qanday kuchda ekanligimizni hozircha to‘liq ko‘rsatib bera olmadi ammo shuni aytish joiz-ki, Kuperning o‘yin falsafasi asta-sekinlik bilan termamiz o‘yinlarida ko‘rinmoqda. Ayniqsa, o‘tkir paslar va jamoaviy pressing hamyurtlarimizga bu turnirda g‘oliblik olib kelishi mumkin. Rossiya maydonlarida o‘tgan Mundialda ham Fransiya himoyaga katta urg‘u bergan holda xatosiz o‘ynab, chempionlikni qo‘lga kiritgani so‘zimizga isbot bo‘la oladi. Biz milliy terma jamoamizga chin yurakdan omad va zafarlar tilab qolamiz.