Avvalroq, O‘zbekiston milliy terma jamoasi Al-Ayn shahrida Yaponiyaga qarshi o‘yin oldidan mashg‘ulotlarni davom ettirgani haqida fotoreportajni taqdim etgandik.
Bugun bo‘lib o‘tgan mashg‘ulotlarda barcha futbolchilar umumiy guruhda qatnashgan. Murabbiy Ektor Kuper asosan tezlikni oshirish hamda diqqat-e’tiborni jamlashga qaratilgan mashg‘ulotlarga ko‘proq urg‘u berdi.
Futbolchilar ikki guruhga bo‘lingan holda, yerdagi fishkani kim birinchi olish, tayoqchalarni qo‘yib yuborib, yergacha ilib olish mashqlarini o‘tkazdi.
So‘ngra ikki guruhga bo‘lingan holda futbol o‘ynaldi. Darvozabonlar bilan doimgidek Denis Ivankov alohida mashq olib bordi. Ertaga Yaponiyaga qarshi o‘yinoldi rasmiy mashg‘uloti bo‘lib o‘tadi.
Quyida axborot hamkorimiz “WorldNews” nashrining terma jamoamizning Al-Ayn shahridagi mashg‘ulotidan tayyorlagan videolavhasini tomosha qilishingiz mumkin:
