Аввалроқ, Ўзбекистон миллий терма жамоаси Ал-Айн шаҳрида Японияга қарши ўйин олдидан машғулотларни давом эттиргани ҳақида фоторепортажни тақдим этгандик.
Бугун бўлиб ўтган машғулотларда барча футболчилар умумий гуруҳда қатнашган. Мураббий Эктор Купер асосан тезликни ошириш ҳамда диққат-эътиборни жамлашга қаратилган машғулотларга кўпроқ урғу берди.
Футболчилар икки гуруҳга бўлинган ҳолда, ердаги фишкани ким биринчи олиш, таёқчаларни қўйиб юбориб, ергача илиб олиш машқларини ўтказди.
Сўнгра икки гуруҳга бўлинган ҳолда футбол ўйналди. Дарвозабонлар билан доимгидек Денис Иванков алоҳида машқ олиб борди. Эртага Японияга қарши ўйинолди расмий машғулоти бўлиб ўтади.
Қуйида ахборот ҳамкоримиз “WorldNews” нашрининг терма жамоамизнинг Ал-Айн шаҳридаги машғулотидан тайёрлаган видеолавҳасини томоша қилишингиз мумкин:
