“Arsenal” qishki transferlar vaqtida “Bavariya” yarim himoyachisi Xames Rodrigesni ijaraga olishni rejalashtiroqda.

Myunxenliklar 27 yoshli futbolchini 3 mln yevro evaziga qo‘yib yuborishga tayyor. “Bavariya” ham kolumbiyalik futbolchini yarim yilga ijaraga olgani uchun “Real”ga 3 mln yevro to‘laydi.

“Arsenal” Rodrigesni qishda katta ehtimol bilan jamoasini o‘zgartiradigan Mesut O‘zilga o‘rinbosar sifatida ko‘rmoqda.

Ma’lumot o‘rnida, Xames “Bavariya”da 2017 yildan beri ijara asosida o‘ynaydi. Uning barcha huquqlari esa “Real”ga tegishli.