“Yuventus” hujumchisi Krishtianu Ronaldu “Milan”ga qarshi o‘yindan so‘ng fikrlarini bildirib o‘tdi.

“Juda qiyin o‘yin. Havo juda issiq, bunday sharoitda o‘ynash oson bo‘lmadi. Biz juda ko‘p xavfli vaziyatlarni yaratdik va o‘zimizni yaxshi tomonlama ko‘rsatdik. Shubxasiz, o‘yinda gol urganimdan baxtliman.

Men 2019 yilni sovrin yutish bilan boshlamoqchi edim. Endi, “Yuventus” bilan ilk sovrinni qo‘lga kiritdim. Bu hali boshlanishi, biz qadamba-qadam o‘z maqsadimiz tomon yuryapmiz. Bitta sovrin qo‘limizda endi qolganlarini yutishga harakat qilishimiz lozim.

Seriya A har doim “Yuventus”ning asosiy maqsadi bo‘lib qoladi. Hozir biz turnir jadvalini boshqarib turibmiz lekin, oldinda bizni murakkab o‘yinlar kutib turibdi. Shuning uchun, tinmasdan mehnat qilish kerak.

Men bu golni jamoamga, oilamga, do‘stlarimga va butun dunyoga va “Yuventus” va Krishtianuni sevadigan muxlislarga bag‘ishlayman”, deydi Ronaldu.