“Ювентус” ҳужумчиси Криштиану Роналду “Милан”га қарши ўйиндан сўнг фикрларини билдириб ўтди.

“Жуда қийин ўйин. Ҳаво жуда иссиқ, бундай шароитда ўйнаш осон бўлмади. Биз жуда кўп хавфли вазиятларни яратдик ва ўзимизни яхши томонлама кўрсатдик. Шубхасиз, ўйинда гол урганимдан бахтлиман.

Мен 2019 йилни соврин ютиш билан бошламоқчи эдим. Энди, “Ювентус” билан илк совринни қўлга киритдим. Бу ҳали бошланиши, биз қадамба-қадам ўз мақсадимиз томон юряпмиз. Битта соврин қўлимизда энди қолганларини ютишга ҳаракат қилишимиз лозим.

Серия А ҳар доим “Ювентус”нинг асосий мақсади бўлиб қолади. Ҳозир биз турнир жадвалини бошқариб турибмиз лекин, олдинда бизни мураккаб ўйинлар кутиб турибди. Шунинг учун, тинмасдан меҳнат қилиш керак.

Мен бу голни жамоамга, оиламга, дўстларимга ва бутун дунёга ва “Ювентус” ва Криштиануни севадиган мухлисларга бағишлайман”, дейди Роналду.