O‘zbekiston professional futbol ligasi bosh direktori o‘rinbosari Diyor Imomxo‘jayev AGMK va Paxtakor klublari bugun Chempionlar ligasining saralash bosqichida to‘p suradigan futbolchilar ro‘yxatini O‘FA orqali OFKga yuborishlari shart ekanligini ta’kidladi.

“Mazkur ikki klub Chempionlar ligasidagi ishtirokini 12 fevral kuni boshlaydi.

12 fevral, seshanba

“Paxtakor” — “Al-Quva Al-Javiya” (Iroq)

AGMK — “Istiqlol” (Tojikiston)

OFK talabi bo‘yicha AGMK va “Paxtakor” bugun — 21 yanvar sanasi yakuniga qadar Chempionlar ligasining saralash bosqichida to‘p suradigan futbolchilar ro‘yxatini O‘FA orqali yuborishlari shart. Bunda O‘FA qo‘yayotgan talablarning bajarilishi muhim omil.

“Paxtakor” O‘FA talabi yuzasidan muzokara o‘tkazmoqda. AGMK esa hozircha sukut saqlagan. Bungacha klublar faqatgina o‘z rejasini taqdim etgan va amalda va’da bajarilmagan. Shuning uchun ham 2019 yilda endi faqatgina amaldagiga ko‘ra ish ko‘rish rejalashtirilgan”, deb yozadi Imomxo‘jayev.