Ўзбекистон профессионал футбол лигаси бош директори ўринбосари Диёр Имомхўжаев АГМК ва Пахтакор клублари бугун Чемпионлар лигасининг саралаш босқичида тўп сурадиган футболчилар рўйхатини ЎФА орқали ОФКга юборишлари шарт эканлигини таъкидлади.
“Мазкур икки клуб Чемпионлар лигасидаги иштирокини 12 февраль куни бошлайди.
12 февраль, сешанба
“Пахтакор” — “Ал-Қува Ал-Жавия” (Ироқ)
АГМК — “Истиқлол” (Тожикистон)
ОФК талаби бўйича АГМК ва “Пахтакор” бугун — 21 январь санаси якунига қадар Чемпионлар лигасининг саралаш босқичида тўп сурадиган футболчилар рўйхатини ЎФА орқали юборишлари шарт. Бунда ЎФА қўяётган талабларнинг бажарилиши муҳим омил.
“Пахтакор” ЎФА талаби юзасидан музокара ўтказмоқда. АГМК эса ҳозирча сукут сақлаган. Бунгача клублар фақатгина ўз режасини тақдим этган ва амалда ваъда бажарилмаган. Шунинг учун ҳам 2019 йилда энди фақатгина амалдагига кўра иш кўриш режалаштирилган”, деб ёзади Имомхўжаев.
