Lyubinko Drulovich 1968-yilda Serbiyada tavvalud topgan. Drulovich futbolchilik faoliyati mobaynida «Porto», «Benfika» singari Yevropaning grand jamoalarida to‘p surgan. Futbolchilik davrida bir nechta kuboklarni qo‘lga kiritadi.

Murabbiylik borasida ham Drulovich ancha – muncha yutuqlarga erishgan. Ayniqsa, Serbiya - U 19 jamoasi bilan Yevropa chempionligini qo‘lga kiritgani uning eng mashhur yutuqlaridan biri hisoblanadi. Keyinchalik Drulovich «Partizan» jamoasi bilan ichki chempionatda 3 - o‘rinni qayd etadi.

Uning jamoalari Ektor Kupernikidan butunlay farq qiladi. Drulovich hujumkorlikni yoqtiradigan murabbiy. U asosan Portugaliya futbolini hush ko‘radi. Futbolchilik faoliyatining asosiy qismi shu davlatda o‘tganini hisobga olsak, bu odiy hol.

Eng quvonarlisi shundaki, uning shtabiga Ravshan Haydarov yordamchi murabbiy sifatida joylashadi va kerakli maslahatlarni beradi deya, ishonib qolamiz.

Yangi murabbiyimizning oldida anchayin jiddiy vazifalar turibdi. Eng asosiysi, Tokio Olimpiyadasiga chiqish va muvaffaqiyatli ishtirok etish.

Olimpiya termamiz o‘z tarixida hech qachon bunday nufuzli turnirda ishtirok etmagan. Shu sababli ham UFA yaqinlashib kelayotgan nufuzli turnir oldidan OTJ uchun hamma sharoitlarni yaratib beradi.

Biz Lyubinko Drulovichning yurtimizdagi faoliyatida omad va zafarlar tilab qolamiz.

O‘zbekistonga hush kelibsiz, janob Drulovich