Любинко Друлович 1968-йилда Сербияда таввалуд топган. Друлович футболчилик фаолияти мобайнида «Порто», «Бенфика» сингари Европанинг гранд жамоаларида тўп сурган. Футболчилик даврида бир нечта кубокларни қўлга киритади.

Мураббийлик борасида ҳам Друлович анча – мунча ютуқларга эришган. Айниқса, Сербия - U 19 жамоаси билан Европа чемпионлигини қўлга киритгани унинг энг машҳур ютуқларидан бири ҳисобланади. Кейинчалик Друлович «Партизан» жамоаси билан ички чемпионатда 3 - ўринни қайд этади.

Унинг жамоалари Эктор Куперникидан бутунлай фарқ қилади. Друлович ҳужумкорликни ёқтирадиган мураббий. У асосан Португалия футболини ҳуш кўради. Футболчилик фаолиятининг асосий қисми шу давлатда ўтганини ҳисобга олсак, бу одий ҳол.

Энг қувонарлиси шундаки, унинг штабига Равшан Ҳайдаров ёрдамчи мураббий сифатида жойлашади ва керакли маслаҳатларни беради дея, ишониб қоламиз.

Янги мураббийимизнинг олдида анчайин жиддий вазифалар турибди. Энг асосийси, Токио Олимпиядасига чиқиш ва муваффақиятли иштирок этиш.

Олимпия термамиз ўз тарихида ҳеч қачон бундай нуфузли турнирда иштирок этмаган. Шу сабабли ҳам УФА яқинлашиб келаётган нуфузли турнир олдидан ОТЖ учун ҳамма шароитларни яратиб беради.

Биз Любинко Друловичнинг юртимиздаги фаолиятида омад ва зафарлар тилаб қоламиз.

Ўзбекистонга ҳуш келибсиз, жаноб Друлович