"Bavariya", "Chelsi", "Liverpul" va "Tottenhem" kabi klublar PSJ yarimhimoyachisi Adriyen Rabyo uchun raqobat qilmoqda.

Paris United nashri ma’lumotiga ko‘ra, "Tottenhem" futbolchiga transferga rozi bo‘lishi uchun 5 million yevro miqdorida bonus taklif qilmoqda, u londonliklar klubiga o‘tsa, yiliga 7,5 million yevro miqdoridagi maosh bilan ta’minlanadi. "Shporlar" klubni tark etgan Mussa Dembele o‘rnini Rabyo bilan to‘ldirishmoqchi.

Lekin Rabyo agar Angliya chempionatiga o‘tsa, "Liverpul" variantini ma’qul ko‘rmoqda.

Ma’lumot uchun, ayni vaqtda 23 yoshda bo‘lgan Rabyoning PSJ bilan shartnomasi shu yil yozida tugaydi va u shartnomani uzaytirishdan bosh tortgan. Ushbu havbek yozda boshqa klubga erkin agent maqomida yo‘l olishi mumkin.