"Бавария", "Челси", "Ливерпуль" ва "Тоттенҳэм" каби клублар ПСЖ яримҳимоячиси Адриен Рабьо учун рақобат қилмоқда.
Paris United нашри маълумотига кўра, "Тоттенҳэм" футболчига трансферга рози бўлиши учун 5 миллион евро миқдорида бонус таклиф қилмоқда, у лондонликлар клубига ўтса, йилига 7,5 миллион евро миқдоридаги маош билан таъминланади. "Шпорлар" клубни тарк этган Мусса Дембеле ўрнини Рабьо билан тўлдиришмоқчи.
Лекин Рабьо агар Англия чемпионатига ўтса, "Ливерпуль" вариантини маъқул кўрмоқда.
Маълумот учун, айни вақтда 23 ёшда бўлган Рабьонинг ПСЖ билан шартномаси шу йил ёзида тугайди ва у шартномани узайтиришдан бош тортган. Ушбу ҳавбек ёзда бошқа клубга эркин агент мақомида йўл олиши мумкин.
