Bugun, 28 yanvar kuni kamondan otish bo‘yicha O‘zbekiston terma jamoasi sportchilari MOQ qoshidagi Respublika sport tibbiyoti ilmiy-amaliy markazida chuqurlashtirilgan tibbiy tekshiruvdan o‘tishdi. Ular nevrolog, xirurg-travmatolog, stomatolog, lor, okulist, endokrinolog, ruxshunos va boshqa mutaxassislar qabulida bo‘lishdi.
Shuni alohida qayd etish lozimki, mazkur tibbiy ko‘riklarda ruxshunos bilan ishlashga alohida e’tibor qaratildi. Hamyurtlarimizning xalqaro arenalaridagi muvaffaqiyatli yurishlarida jismoniy tayyorgarlikdan tashqari, ruxiy tayyorgarlik ham katta ahamiyatga ega. Sportchi jismonan jihatdan xarchand kuchli bo‘lmasin, ruxiy tayyorgarliksiz musobaqaga borish so‘nggi pallalarda bizga pand berib qolishi mumkin. Oltinlar kumushga, kumushlar bronzaga aylanishi, sovrinli o‘rinlar uchun da’vogar sportchilar esa medalsiz qolishi xech gap emas.
Ana shu jihatlarni e’tiborga olgan holda ruxshunoslar sportchilarni tekshiruvdan o‘tkazishmoqda. Natijalarga qarab, ularga psixologik maslahatlar beriladi. Bundan tashqari ularda muvaffaqiyatga bo‘lgan motivasiyani aniqlash, qiyinchiliklarni yengib o‘tish yo‘nalishlarida ham ish olib borilmoqda.
MOQ ishlab chiqqan strategiya asosida sportning barcha olimpiya turlari bo‘yicha terma jamoalarimiz ana shu kabi chuqur tibbiy ko‘rikdan o‘tadilar. Maqsad esa bitta – Tokio 2020 Olimpiya o‘yinlarida barcha jabhalarda rekordlarni yangilash, yangi marralarni zabt etish.
