Kecha tunda Yevropada qishki transfer muddati yakunlandi. Angliyada barcha klublar qishki transferdan unumli foydalanishga harakat qilishdi.

Faqatgina bitta jamoa — «Tottenxem» qishda tarkibni kuchaytirish uchun hech qanday ishni amalga oshirishmadi. Darvoqe, «shporlar» o‘tgan yilning yozida ham birorta transferga qo‘l urishmagandi. Shu tariqa, londonliklar so‘nggi 1 yil ichida yangi futbolchini o‘z saflariga qo‘shib olishmadi.

Faktlar:
— «Tottenxem» so‘nggi marta o‘tgan yilning yanvarida «PSJ»dan Lukas Mourani 28,4 million yevro evaziga xarid qilgandi.
— Transfermarkt.de bahosiga ko‘ra, «Tottenxem» tarkibining umumiy bahosi 801,5 million yevroga teng.
— Klub Angliya chempionatining ushbu mavsumida jadvalning 3-pog‘onasida bormoqda.