Кеча тунда Европада қишки трансфер муддати якунланди. Англияда барча клублар қишки трансфердан унумли фойдаланишга ҳаракат қилишди.

Фақатгина битта жамоа — «Тоттенхэм» қишда таркибни кучайтириш учун ҳеч қандай ишни амалга оширишмади. Дарвоқе, «шпорлар» ўтган йилнинг ёзида ҳам бирорта трансферга қўл уришмаганди. Шу тариқа, лондонликлар сўнгги 1 йил ичида янги футболчини ўз сафларига қўшиб олишмади.

Фактлар:
— «Тоттенхэм» сўнгги марта ўтган йилнинг январида «ПСЖ»дан Лукас Моурани 28,4 миллион евро эвазига харид қилганди.
— Transfermarkt.de баҳосига кўра, «Тоттенхэм» таркибининг умумий баҳоси 801,5 миллион еврога тенг.
— Клуб Англия чемпионатининг ушбу мавсумида жадвалнинг 3-поғонасида бормоқда.