O‘zbekiston futbol assosiasiyasi hududiy bolalar va o‘smirlar futbol akademiyalarida ishni to‘g‘ri yo‘lga qo‘yish, futbol akademiyalari tarbiyalanuvchilari uchun barcha shart-sharoitlar yaratish va ularning kelgusida kuchli futbolchilar bo‘lib yetishib chiqishi uchun zarur chora-tadbirlarni ko‘rmoqda.

Jumladan, Samarqand bolalar-o‘smirlar futbol akademiyasi infratuzilmasini yaxshilash va tarbiyalanuvchilar uchun zarur shart-sharoitlarni yaratish maqsadida ta’mirlash ishlari boshlandi.   Ta’mirlash ishlarida qatnashayotgan 30 nafardan ortiq quruvchilar tunu kun mehnat qilishayotganini ham ta’kidlab o‘tish zarur.

Samarqand viloyat bolalar-o‘smirlar futbol akademiyasining yotoqxona, oshxona, yuvinish xonasi, xojatxona, o‘quv binosi hamda ma’muriy binolarini ta’mirlash jarayonlari keng ko‘lamda amalga oshirilmoqda.  

Bundan tashqari Samarqand viloyat bolalar-o‘smirlar futbol akademiyasining moddiy-texnika bazasi hamda infratuzilmasini mustahkamlash va zamonaviy talablar asosida faoliyat yuritishi uchun yangi joy ajratilmoqda.