Dzyudo bo‘yicha O‘zbekiston terma jamoasi a’zolari Toshkent viloyatining Bo‘stonliq tumanida joylashgan “Xumson” sihatgohida yig‘in boshlashdi.

Ushbu o‘quv-mashg‘ulot yig‘inida asosiy tarkib dzyudochilari bilan birga terma jamoaga nomzod iste’dodli yoshlar ham ishtirok etishyapti. Mazkur yig‘in Germaniyaning Dyusseldorf shahrida o‘tkaziladigan «Katta Dubulg‘a» turkumidagi turnirga tayyorgarlik vazifasini o‘tab beradi.

Farhod To‘rayev boshchiligidagi mashg‘ulotlarda Diyorbek O‘rozboyev, Shahram Ahadov, G‘iyosjon Boboyev, Sherali Jo‘rayev, Bekmurod Oltiboyev, Gulnoza Matniyazova, Amina Mamedova kabi terma jamoamizning yetakchi dzyudochilari bor.