Toshkentning “Bunyodkor” klubini tark etgan himoyachi Akrom Komilov Instagram sahifasi orqali xayrlashuv maktubini yozdi.
“Assalomu alaykum! “Bunyodkor“da man bilan birga ishlagan murabbiylarga, ishchi xodimlariga, jamoa rahbariyatiga futbolchilarga, ayniqsa biz bilan har doim yonma yon birga bo‘gan muxlislarimizga katta rahmat aytaman.
Yaxshi yomon kunda har doim birga bo‘ldik. “Bunyodkor”da o‘tgan 10 yillik faoliyatimi hech qachon unutmayman. Bu jamoada man o‘zligimni topdim, hurmat qozondim katta futbolga qadam quydim, ayniqsa meni katta futbolga qadam quyishimga yordam bergan Sergey Ivanovich Lushanga o‘z minnatdorchiligimni bildiraman.
Bizni har doim qo‘llab-quvvatlab turgan muxlislarimizga yana bir bor alohida rahmat aytaman. “Bunyodkor” bir umr yodimda qoladi”, -deb yozadi futbolchi.
Eslatib o‘tamiz, Akrom Komilov “qaldirg‘ochlar” tarbiyalanuvchisi hisoblanadi. Endi u yangi mavsumni “Paxtakor” klubida boshlaydi.
