Тошкентнинг “Бунёдкор” клубини тарк этган ҳимоячи Акром Комилов Instagram саҳифаси орқали хайрлашув мактубини ёзди.
“Ассалому алайкум! “Бунёдкор“да ман билан бирга ишлаган мураббийларга, ишчи ходимларига, жамоа раҳбариятига футболчиларга, айниқса биз билан ҳар доим ёнма ён бирга бўган мухлисларимизга катта раҳмат айтаман.
Яхши ёмон кунда ҳар доим бирга бўлдик. “Бунёдкор”да ўтган 10 йиллик фаолиятими ҳеч қачон унутмайман. Бу жамоада ман ўзлигимни топдим, ҳурмат қозондим катта футболга қадам қуйдим, айниқса мени катта футболга қадам қуйишимга ёрдам берган Сергей Иванович Лушанга ўз миннатдорчилигимни билдираман.
Бизни ҳар доим қўллаб-қувватлаб турган мухлисларимизга яна бир бор алоҳида раҳмат айтаман. “Бунёдкор” бир умр ёдимда қолади”, -деб ёзади футболчи.
Эслатиб ўтамиз, Акром Комилов “қалдирғочлар” тарбияланувчиси ҳисобланади. Энди у янги мавсумни “Пахтакор” клубида бошлайди.
