“Qo‘qon-1912” jamoasi mavsumga tayyorgarlikning navbatdagi bosqichini Toshkent shahrida o‘tkazadi. Jamoa a’zolari bugundan Toshkentda yig‘ilishadi va mashg‘ulotlarni boshlab yuborishadi.
Farg‘ona shahrida bo‘lib o‘tgan “Hokim kubogi-2019” turnirida No‘’mon Hasanov bir qator yangi futbolchilarni, shu jumladan Serbiya hamda Bosniya-Gersogovinadan tashrif buyurgan futbolchilarni sinovdan o‘tkazdi.
Bosniyalik hujumchi Nedo Turkovich “Qo‘qon-1912”ning navbatdagi yig‘inida ishtirok etmaydigan bo‘ldi, u bugun erta tongda o‘z yurtiga qaytib ketdi. Serbiya davlatidan kelgan legionerlar esa jamoa bilan mashg‘ulotlarni davom ettirishadi.
Toshkent yig‘inida “Qo‘qon-1912” tarkibida yana yangi nomlar paydo bo‘lishi kutilmoqda. Yig‘in davomida o‘tkazilishi rejalashtirilgan nazorat o‘yinlarida murabbiylar shtabi tarkibni optimal ko‘rinishga olib kelishga harakat qilishadi.
