“Қўқон-1912”  жамоаси мавсумга тайёргарликнинг навбатдаги босқичини Тошкент шаҳрида ўтказади. Жамоа аъзолари бугундан Тошкентда йиғилишади ва машғулотларни бошлаб юборишади.

Фарғона шаҳрида бўлиб ўтган “Ҳоким кубоги-2019”  турнирида Нўъмон Ҳасанов бир қатор янги футболчиларни, шу жумладан Сербия ҳамда Босния-Герцоговинадан ташриф буюрган футболчиларни синовдан ўтказди.

Босниялик ҳужумчи Недо Туркович “Қўқон-1912”нинг навбатдаги йиғинида иштирок этмайдиган бўлди, у бугун эрта тонгда ўз юртига қайтиб кетди. Сербия давлатидан келган легионерлар эса жамоа билан машғулотларни давом эттиришади.

Тошкент йиғинида “Қўқон-1912” таркибида яна янги номлар пайдо бўлиши кутилмоқда. Йиғин давомида ўтказилиши режалаштирилган назорат ўйинларида мураббийлар штаби таркибни оптимал кўринишга олиб келишга ҳаракат қилишади.