Futbolda tezlik katta rol o‘ynashi hech kimga sir emas. Messi, Ronaldo, Beyl, Lennon, Uolkot singari futbolchilar so‘nggi besh yillikda bu borada reytingda yuqori o‘rinlarda edilar. Vaqt o‘z so‘zini aytadi deganlaridek, bu o‘yinchilar yangi avlod futbolchilarining tezligi oldida biroz orta qolishmoqda.
Inyaki Uillyams
Atletik Bilbao klubi hujumchisining tezligi haqida Yevropada ancha shov-shuv ko‘tarildi.Futbolchining «sovchisi» ko‘payib borayotganini ko‘rgan klub u bilan uzoq muddatli shartnoma tuzdi va tavon pulini 10 milliondan 80 million yevroga ko‘tarib qo‘ydi. Futbolchi hali yosh va kelajagi porloq bo‘lishi uchun ishlashda to‘xtab qolmasligi zarur. Uning hozircha maksimum tezligi soatiga 35.6km ni tashkil etmoqda.
Muhammad Saloh
U haqida ortiqcha so‘zlashning xojati bo‘lmasa kerak. Bu futbolchining personal muxlislarinng o‘zi hozirda millionlab topiladi. U haqida ko‘p va ho‘b yozishdi. 175 sm boyga ega bo‘lishiga qaramasdan hujumchi APL doirasidagi uchrashuvlardan birida soatiga 36 km tezlikda harakat qildi va o‘z rekordini yangiladi. Salohning eng katta ustunligi qisqa masafolarda tezlikni birdaniga oshira olishi desak, adashmagan bo‘lamiz.
Pyer-Emerik Obameyang
Arsenal hujumchisi Dortmund klubida o‘ynab yurgan paytlari sayyoraning eng tezkor atletlaridan biri edi. U Bundesliga doirasidagi uchrashuvlardan birida soatiga 36.3 km tezlikda harakat qildi. Bu oddiy insonning o‘rtacha tezligidan ikki baravar ko‘p degani.
Ektor Belyerin
«To‘pchilar» safidagi haqiqy raketaga aylangan futbolchi klubning asosiy o‘yinchilaridan biri. Uning tezligi APL doirasidagi uchrashuvlardan birida soatiga 37 km gacha ko‘tarilgan edi. Bu yaqin kunlarimizgacha mutloq rekord natija edi.
Killian Mbappe
Bu yigitcha futbol olamiga ham katta tezlikda kirib keldi. Uning yosh bo‘lishiga qaramasdan maydonda ko‘rsatayotgan o‘yinlari tahsinga sazovor. Ayniqsa, Rossiya yashil maydonlarida o‘tgan mundialda Argentina terma jamoasiga qarshi kechgan uchrashuvda ko‘rsatilgan tezlik rekordlarni yangilab yubordi. Futbolchi o‘sha uchrashuvda 39.1 km soat tezlikda yugurishga muvaffaq bo‘ldi. Aytish joiz, o‘sha turnirda Fransiyaning g‘olib bo‘lishida Mbappening xizmatlari katta
Yahyoxo‘ja Ulug‘xo‘jayev
