Mavsum yaqinlashgan sari Superliga klublari ham asosiy, ham yoshlar tarkiblari o‘yinini shakllantirishga katta ahamiyat qaratmoqda. Bekobodning “Metallurg” jamoasi yoshlari bugun safarda,  qo‘shni Tojikiston Respublikasida bu yil hisobidan uchinchi xalqaro o‘rtoqlik uchrashuvini o‘tkazdi. Bu safar bekobodlik yoshlar Tojikiston Respublikasining o‘tgan yilgi vise-chempioni “Xo‘jand” jamoasi bilan kuch sinashib, durangga rozi bo‘lishdi. Qiziarli va murosasiz kurashlar ostida kechgan o‘yinda hisob ochilmadi.

“Xo‘jand” o‘tgan yilgi mavsumda Tojikiston Respublikasi milliy chempionati oliy ligasida 21 ta o‘yinda maydonga chiqib, 14 ta g‘alaba, 4 ta durang, 3 ta mag‘lubiyat bilan 46 ochko jamg‘argan holda ikkinchi o‘rinni egallagandi. Kechagina Osiyo chempionlari ligasi ikkinchi raund saralash uchrashuvida poytaxt viloyatining AGMK jamoasiga raqiblik qilgan “Istiqlol” “Xo‘jand”ni 5 ochkoga ortda qoldirib ketgandi.

Tojikiston vise chempioniga qarshi o‘yinni “Metallurg” quyidagi tarkibda o‘tkazdi: Aziz Mahmudov, Hasan Hasanov, Farrux Sodiqov, Jasur Rahimov, Abduvohid G‘ulomov, Muhriddin Botirov, Ibrohim Turg‘unboyev, Shahzod G‘ofurbekov, Doniyor Hoshimov, Farhod O‘tkirov.

Zahiradan maydonga tushganlar: Dvaron Anvarov, Azamat Abdusattorov, Hazrat Tursunqulov, Jasur Rustamov, Husan Hasanov.