«Liverpul» klubi «Barselona» yarim himoyachisi Malkomga qiziqish bildirmoqda, deya xabar qilmoqda Football Espana nashri.
Manbada ta’kidlanishicha, ingliz klubi braziliyalik futbolchini yozgi transfer mavsumida qo‘lga kiritishga urinib ko‘radi. Futbolchiga shuningdek, «Arsenal» va «Tottenxem» klublaridan ham qiziqish bor.
21 yoshli Malkom katalonlar safiga o‘tgan yozda «Bordo»dan kelib qo‘shilgandi. O‘shanda «Roma»ga o‘tishi kutilayotgan futbolchini «Barsa» so‘nggi onda o‘z tomoniga og‘dirib olgandi.
41 mln yevroga sotib olingan Malkom ko‘k-anorranglilar safida yetarli o‘yin amaliyotiga ega bo‘lolmayapti. Uning katalonlar bilan amaldagi shartnomasi 2023 yilga qadar mo‘ljallangan.
